Pagdating ni Nayume sa bahay na kanyang tinutuluyan ay wala siyang ibang ginawa kundi ang umiyak na lamang.
Hindi talaga niya inaasahan na darating siya sa point na ito. Papaano na sila ngayon? Papaano na ang mga babayarin nila?
Isinubsob niya ang kanyang mukha sa unan habang humahagulhol ng iyak. Hindi na niya tuloy alam kung ano ang dapat niyang gagawin.
Napaangat siya ng mukha nang tumunog ang kanyang phone na nasa loob ng kanyang bag.
Dali-dali niyang kinuha iyon at napabuntong-hininga muna siya nang malaman niyang si Paolo pala ang tumatawag.
"Hello, Paolo," sagot niya rito.
"Are you okay? Ate told me about what happened to you."
Nasa boses nito ang pag-aalala para sa kanya.
"Okay lang ako," aniya pero hindi naman kumbinsido ang binata sa naging sagot niya.
"Lumabas ka muna,
