Umiiyak na iniwan ni Nayume si Cedric at hanggang sa nawala na sa paningin ng binata ang kanyang nobya ay nanatili pa rin siyang nakatingin sa dinaanan nito. Hindi siya makapaniwala na matatapos na ang lahat nang mayroon sila ngayon. Hindi niya aakalain na hindi na madudugtungan ang bawat masasayang araw na kanilang pinagmasahan at alam naman niya sa kanyang sarili na wala siyang ibang masisisi kundi ang kanyang sarili lamang.
Napatingin siya sa puting sobreng ibinigay sa kanya ni Nayume at nang binuksan niya iyon upang matingnan ay ganu'n na lamang ang pagbuhos ng kanyang mga luha. Isang resignation letter ang ibinigay sa kanya ng dalaga. Masakit para sa kanya ang lahat dahil parang sinasabi na rin ni Nayume na pinuputol na nito ang anumang ugnayan na mayroon sila.
Pero, hindi ba dapa
