"Isang kumpas pakaliwa, liliwanag ang punong kadiliman. Dalawang kumpas pakanan, hinaharap makikita. Iyong kapalara'y masasaad. Ang itinakda'y matutupad sa tamang oras."
-
Hinihingal na bumangon ako. Hindi naman nakakatakot ang panaginip ko pero mabilis ang paghinga ko at nababalutan ng kaba ang buong pagkatao ko.
Sa isang madilim na lugar, isang babae na kumukumpas. Isang kumpas ng kanang kamay niya papunta sa kaliwa at dalawang kumpas papunta sa kanan. Ang mga mata niya'y nagliliwanag sa puti. Nakakatakot ang mga titig niya.
Sino ba ang taong iyon? Bakit pakiramdam ko kilala ko siya? Napapadalas ang mga bagay na napapaniginipan ko. Hindi ko tuloy maiwasang mag-isip na baka may koneksyon sila sa akin. Pero ano naman 'yon?
Napahawak ako sa ulo at kumurap-kurap. Bigla kasi itong kumiro
