Sa mga sumunod na dalawang araw, naging parang hindi magkakilala sina Khiros at Vira.
Hindi rin maintindihan ni Vira kung bakit bigla siyang na-ilang kay Khiros. Oo, dati pa siya naiilang dito sa paraan na umiiwas siya dahil baka ito ay magalit sa kanya. Pero iba kasi ngayon, Naiilang siya dahil nahihiya na siya. Nagsimula iyon noong nagpag-usapan nila ang tungkol sa salitang love at sa pag-oo niya.
Isa pa iyong madalas niyang nahuhuli ang lalaki na mariin kung makatitig sa kanya. At ang masaklap doon, hindi man lang natitinag si Khiros sa pagtitig sa kanya kahit na nahuhuli niya na ito. Maghahalukipkip pa ito at mas lalong tititigan siya. Parang sinasabi pa nito na wala siyang pakialam kung mahuli man niya ito basta ang mahalaga ay matitigan siya nito.
Kaya sa bandang huli, siya na
