AMINADO naman si Angel na hindi siya sobrang talinong tao. Masipag lang siya mag-aral at magaling sumagot kaya mataas ang scores niya sa exam at interview. At siguro talagang kasama sa tinitingnan ang hitsura kaya natanggap siya sa Empire. Pero ngayon lang niya lalong gustong tuktukin ang ulo niya sa katangahan kasi kahit alam niyang mga Lopez ang may-ari ng Empire, hindi niya naisip irelate sa mga ito si Jack.
O siguro, ayaw niyang irelate ang binata sa mga Lopez ng Empire Hotels and Casinos. Kasi kung ganoon talagang sobrang out of reach nito. After all, the Lopezes are one of the wealthiest and most powerful families in Asia. Nasa top five palagi ng Forbes’ Magazine’s richest list. Nasa top of the food chain ng high society. Celebrities na maituturing at may iba pa nga
