PAGDATING ko sa kwarto ay kumuha ako ng bag at nilagyan ko ang ilang mga personal kong gamit. Hindi ko na kayang pakisamahan pa ang pangalawang pamilya ni Mommy. Almost all my life, palagi nalang akong nanlilimos ng attention mula sa sarili kong ina. Pero tao lang din ako. Nasasaktan at napapagod din ako sa tuwing pinaparamdam niya sa akin na mas mahalaga pa para sa kanya ang asawa niya at anak nito. Ako ang totoo niyang anak pero ako itong halos manlimos ng pagkalinga mula sa sarili kong ina. Tama na hindi ko na kaya! Ilang beses nang nadudurog ang puso ko. Fifteen years old palang ako noon ng sumama si Mommy kay Rick pabalik ng Pilipinas at iwan niya kami ni Daddy sa Italy. Si Rick ay dating empleyado ni Daddy sa isa sa mga "Il Capo" store. Si Mommy mismo ang humahawak at namamahala doon
