Matapos ang naging pagbisita ni Gregor, nagpasyang bumalik sa silid si Tita Carmela. Si Tito Ben at Regon naman ay sumaglit muli sa library at mukhang may pag-uusapan pa.
Iwas ang naging mata ko sa kanya nang muling akong lumabas para ubusin ang natitirang oras sa umagang iyon. Sinamahan ako ni Isay sa naging pag-ikot ko sa buong paligid ng bahay. Siya rin ang babaeng napagtanungan ko kahapon tungkol sa silid ko.
“Sa parting ito ho señorita ay bodega na. Dito ho kadalasang inilalagay ang mga gamit na madalas ay hindi na kailangan sa bahay.” Patuloy niya na medyo may ilang pa rin. Marahil ay nahihiya pa siya sa akin dahil sa nangyari kahapon.
“Ano ang nasa banda roon?” Tukoy ko sa may gilid ng bahay. Medyo mataas na parte at halos gawa sa mamahaling mga tabla ng kahoy ang paligid. May ma
