Nanami Yoshino (Katana Light)
Nabili na naman ni Ashen ang lahat ng kakailanganin namin para sa magdamag. Kumpleto na sa pagkain at may ilang disposable towel and blanket din kaya magiging maayos ang pananatili namin sa silid ni Main.
Pero dahil hindi ako mapakali sa loob noon ay naisipan ko muna na maglibot-libot sa paligid ng ospital.
Mas mabuti na din ito nang sa gayon ay makita ko kung may kahina-hinala ba dito. Ayaw ko din naman na nabibigla ako.
At sa paggagala ko nga ay nakarating ako ng emergency room.
Medyo busy nga dito dahil tuloy-tuloy ang pasok ng mga pasyente kaya plano ko na ding umalis doon ngunit natigilan ako nang marinig ang pangalan ng kapapasok lang na pasyente.
Kaya agad akong sumunod sa pinagdalhan sa kanya.
“Miss?” tawag sa akin ng isang nurse na papasok sana
