Nanami Yoshino (Katana Light)
Dahil sa ideya na ibinigay ni Umi na nakarating kay Xhylem dahil nasa likuran ko lang pala siya nang banggitin ko ang tungkol doon ay pinaubaya sa akin nito ang paghahanap sa iba pang tulad ko na naging human subject ng ZeRL at activated na ang sight.
At sa totoo lang ay hindi iyon madali dahil wala silang ibang impormasyon tungkol sa mga iyon kundi ang kanilang mga pangalan.
Kahit ang pangalan ng magulang ay hindi din nila nakuha kaya para akong naghahanap ng karayom sa isang hektaryang bukirin.
Kaya naman wala na akong nagawa kundi ang humingi ng tulong sa mga kaibigan ko.
"Sigurado ka ba na hindi ka mapapahamak sa ginagawa mo?" tanong sa akin ni Maia na siyang kausap ko ngayon. "Wala akong tiwala sa mga iyan eh."
Wala naman akong sariling cellphone ng
