Kinabukasan maagang nagsimula muli ang pagsasanay nina Niño at Jude.
"Kamusta na kaya si Kuya?" tanong ni Niño.
"Nararamdaman ko na maayos lang sya," ani Jude.
Muling nagbalik sa pagsasanay ang dalawa at lumipas ang natitirang araw nang hindi nila napapansin.
Samantala nasa sukdulan na si Ricky at naiisip na nyang sumuko sa loob ng templo. Hindi na sya halos makagalaw. Kalaban nya ang sarili nyang sinapian ng kapangyarihan ni Yuri.
"Sumuko ka na. Hindi mo na kaya," anang masamang Ricky na muli syang tinira ng apoy.
Nawala ang masamang Ricky at lumabas ang babaeng anyo ni Yuri.
"Kung nais mo ang aking kapangyarihan kailangan mong makontrol ito. Patunayan mo na karapat-dapat ka sa aking kapangyarihan," wika ni Yuri na muling naglaho at bumalik sa anyong phoenix.
