Kinabukasan maaga pa lang nagising si Jude. Bumangon sya sa higaan nya at pinakiramdaman ang sarili. Medyo maayos na ang pakiramdam nya pero medyo stiff pa din. Naligo sya bago lumabas ng kwarto. Pumunta sya sa kusina at nagluto ng agahan. Inabutan sya ni Ricky na nagluluto sa kusina.
"Ang aga mo," puna ni Ricky
"Good morning po," bati ni Jude na lumingon sa kay Ricky at binaba ang isang plato na may sinangag, omelet at longganisa sa counter.
"Kain po kayo. Pasensya na po pinakialaman ko po ang kusina nyo," yaya ni Jude.
"Maayos na pakiramdam mo?" tanong ni Ricky na lumapit kay Jude sa may kalan at hinipo ang noo.
Kumuha si Ricky ng mug sa cabinet at pumunta sa ref. Nagsalin sya ng chocolate drink at nilagay sa microwave para maiinit.
"Pakiabot naman po ng isa pang
