Hindi ako maka paniwala sa itinawag sa akin ni ate Tina. Wala na daw ang buong mag-anak na Sanchez.
Hindi ko alam kung paniniwalaan ko ba o hindi, pero sinabi rin ni ate Tina na pauwi na sila dito at dala ang mga katawan nina Mommy at Daddy, kasama si kuya.
Halos mamaos ang boses ko sa kakaiyak dahil hindi ko matanggap na muli na naman akong nawalan ng pamilya.
Bakit ba napakamalas ko? bakit napaka damot sa akin ng mundo? bakit lagi na lang akong iniiwan mag-isa?
Ang daming tanong sa aking isip na walang kasagutan. Hindi ko rin alam ang gagawin ko dahil sobrang nasasaktan ako sa bilis ng mga pangyayari.
Kausap ko lang sina Mommy Jo at Daddy Gil kaninang umaga. Mahigpit pa nga nila akong niyakap at nag pasalamat pa sila sa akin dahil dumating ako sa buhay nila. Naranasan daw nila a
