Bumalik na rin sa Hacienda Sina Pamela, Migs at Travis, matapos maka alis ng mga ORBIT Special Task Force. Dinala na rin nila si Chona Ramirez, upang ibigay sa mga NBI.
Nadatnan nila ang mga Pulis sa Hacienda. Matapos kausapin ng mga Pulis si Pamela ay nag paalam na rin ang mga ito.
Agad naman pinatawag ni Pamela ang mga dating katulong ng malaking bahay. Tuwang tuwa ang mga ito na makitang bumalik na ang kanilang Señorita Pamela.
Ipinatawag din ni Pamela sina Mang Delfin at Aling Luming. Tuwang-tuwa ang lahat nang sabihin ni Pamela na muli nyang ibabalik ang dating patakaran ng Hacienda.
Nag pahanap din sya ng mga magagaling na Interior Designer, upang ibalik ang dating ayos ng malaking bahay.
"Lola Rufina, alam po ba ninyo kung saan inilagay ang mga dating gamit dito sa bahay?"
