Hinatid ko ang tatlo, sina Quartz, Quest at Quill sa pinto nang aalis na sila papunta sa kanilang trabaho. Si Quaid naman ngayon ang mananatili sa mansion kasama ko, at sana seryosong workout ang gagawin namin at hindi kung ano pa. Noong nakaraang araw, bigla na lang may mga tao na pumunta rito sa mansion at inayos nila ang basement ng mansion. May truck pa na may dalang mga equipments na nakita ko sa gym noon. Ginawa nilang sarili nilang gym ang basement na matagal na pala nilang plano. Pero dahil na rin sa naging abala no’ng mga nakaraang buwan, hindi nila nagawa. At dahil kailangan ko para ma-maintain ang shape ng aking katawan, hindi na ako pupunta sa gym pa kung saan may kasama kami na ibang tao. Para na rin siguro walang makaabala sa amin lalo na ang mga babaeng magpapansin sa sinuma
