Napaaray ako at napahawak sa aking daliri nang masugat ko ito habang naghihiwa ako ng gulay. Bigla itong dumugo at huhugasan ko sana pero kinuha ni Quest ang aking kamay at dinala sa bibig niya ang daliri ko at sinipsip. Napakurap naman ako at tumitig sa kanya habang subo niya ang aking daliri. Napaawang ang aking labi dahil may hatid itong kiliti sa aking kaibuturan. Nang hinugot niya ito palabas, tinutok niya ito sa gripo at hinugasan ng tubig. Nakatitig lang naman ako sa kaniya at ngumiti siya sa akin. Parang nangyayari din kasi ang mga napapanood kong teleserye sa TV noon habang nasa probinsya pa kami. Kilig na kilig kami ng matalik kong kaibigan lalo na sa mga gwapo na bidang lalake. Kumusta na kaya ang malanding babaeng ‘yon? Hindi na siya tumawag mula no’ng last na nag-usap kami. Sa
