Kanina pa ako nakahiga lang sa kama at hindi pa rin makatulog pagkatapos ng nangyari ngayong araw. Dahil sa biglang pagsulpot ng aking ina dito sa apartment, nalaman na niya kung anong relasyon ko kay Dakila, na isa akong lalake na may gusto sa kapwa niya lalake. Ang sakit ng mga sinabi niya sa akin kanina at nagulat talaga ako dahil hindi ko inaasahan na pupuntahan niya ako dito sa apartment. Kung bakit naman kasi hindi naka-lock ang pinto at bigla na lang siyang pumasok. Nahuli na nga kami pero mas mabuti na rin siguro ito, hindi na ako mahihirapan na sabihin pa sa magulang ko. Pero paano kaya ang pamilya ni Dakila? Baka sabihin ni Nanay ko o sugurin sila roon. Sana naman hindi niya gawin ‘yon. Alam ko na gano’n ang magiging reaksyon niya pero ang sakit pa rin, eh. Mabuti na lang at tang
