Nagpaalam ako sa kapalitan kong guard at lumabas na ako ng guard house. Lumakad ako papunta sa mansion ng mga Gaviola para kausapin sana ang aking kapatid. Pero nang malapit na ako, bigla akong tumigil at ayaw ko ng tumuloy. Napakuyom ako ng palad at napamura ako dahil sa inis. Ilang araw ko ng balak na puntahan ang aking kapatid at kausapin siya, pero naduduwag lang ako. Gusto ko kasing sabihin sa kanya ang totoong namamagitan sa amin ni Dakila pero parati na lang akong nagdadalawang isip. Nararamdaman ko na habang tumatagal kasi parang hindi na katulad ang paglalambing niya sa akin kumpara sa unang mga araw na nagsasama kami. Mula no’ng dinalaw kami ni Tina at ni Sir Quest, lagi kong nakikita na malungkot ang aking nobyo. Kahit ba nakangiti siya at umaastang masaya harap ko, alam ko na h
