Hindi ako makapaniwala ngayon na narito sa aking harapan si Quest, ang dayong bumisita sa aming bayan na naging nobyo ko pero iniwan lang ako at sinaktan. Hindi din ako makapaniwala dahil isa siya sa magiging amo ko ngayon. Apat silang lalake na magkakapatid, gaya ng sabi ng Nanay ko, pero hindi ko akalain na makikita ko ulit ang kinamumuhian kong lalake. At ang pinakamalala sa lahat ay magiging kasambahay niya ako at titira kami sa iisang bahay. Pinagtitripan ba ako ng nasa taas at ginawa niya sa akin ito? Sa rami ng pwedeng pagtrabahuhan ng aking ina, dito pa talaga? Napatingin sa akin ang lahat ng tinawag ako ni Quest pati na rin ang aking ina na nagtataka ang mukha.
“Anak, magkakilala kayo ni Sir Quest?” Tanong niya sa akin. Tumingin ako sa binata na akmang sasagot pero inunahan ko s
