Maaga akong nagising ngayong umaga. Ramdam ko kasi na gusto kong gumamit ng banyo kaya bumangon ako at dahan-dahan na binuksan ang pintuan saka pumasok at ginawa ang kailangan ko.
Hindi na ako nagpatulong sa nurse na kasama ko at nagbabantay sa akin dito sa silid. Tuwing gabi kasi hindi pwedeng ako lang mag-isa dito dahil dito rin natutulog si Nurse Dhilyn. Funny siya kasama kaya natutuwa ako sa kan'ya lalo na at sabi niya pinsan daw niya si Bayani Agbayani na komedyante kaya at pareho sila ng apilyedo.
Napangiti ako dahil ang sarap ng tulog nito sa sofa. Mahinang humihilik pa, siguro ay pagod at puyat talaga dahil gumising siya ng dis oras para gisingin ako on time para uminom ng gamot ko gabi-gabi. Malaki ang sukat ng hinihigaan niya kaya kahit may yakap pa siyang unan at makapal na k
