Ramdam ko ang bawat balang tumama sa likuran ng sasakyan niya. Mabuti na lang at maluwag ang kalsada kaya nagawa ni Amara na makipag-karera sa mga taong humahabol sa amin at makalayo ng konti sa mga ito.
"Amara, may malaking truck na nakaharang sa daan!" sigaw ko dahil malayo pa lang ay nakita ko na agad ito.
"Sh!t, na trap tayo!" sabi ni Amara na tumigil.
"I'm engaged!" malakas na sabi nito matapos pindutin ang suot na relo.
"I need back up, masyado silang marami at dalawa lang kami ni Camilla," sabi pa nito.
Nanlaki ang mga mata ko ng makitang binuksan nito ang compartment ng sasakyan at inilabas ang itim na baril. Bigla akong kinabahan ng ikasa nito ang hawak na high caliber fire arm na tila ba hindi man lang nakaramdam ng takot kahit pa maraming mga kalalakihan na ang nakaharang s
