Naramdaman kong binuhat niya ang katawan ko dahil umangat ang mga paa ko sa sahig. Iyon lang ang huling natatandaan ko bago tuluyang nawalan ng kontrol sa sarili matapos umikot ang paningin ko.
Hindi ko alam kung anong oras ako nagising. Madilim sa silid at tanging lampshade lamang ang tanglaw. Nanghihina na inalis ko sa bewang ko ang braso ni Jared at bumangon sapo ang mabigat at masakit na ulo.
Kukurap-kurap na takip ko ang bibig ko dahil pakiramdam ko ay para bang may humahalukay sa loob ng tiyan ko at biglang nag-tubig pati bagang ko kaya kahit hilo ay mabilis na tumakbo ako papunta sa banyo.
Ang pait ng panlasa ko, pinagsisisihan ko tuloy na uminom ako dahil ang sama pala ng epekto nito hindi gaya ng nainom ko noon sa bar na light lang ang effect sa akin ng magising ako.
Ramdam
