Kanina nga may nakausap pa akong pinay namimili siya ng damit. Nakakatuwa kasi parang Pilipinas lang kaya kahit panay ang lakad namin ay balewala sa akin. Game rin naman si Jared kaya talagang na enjoy ko ang tinatawag nilang 'pasar malam' o night market sa english.
"Ang peaceful ng paligid, nakakatuwa naman dito," masayang sabi ko na sinang-ayunan naman ng katabi ko.
Nasa tabi niya ang mga pinamili namin habang pareho kaming nakaupo at nagmamasid sa paligid.
"Pwede kayang kumain dito?" tanong ko ng maalala na may kanin at mais pala kaming binili sa isa sa mga stall na pinuntahan namin.
"Yes of course, basta 'wag lang tayong magkakalat."
Tumayo ako at kinuha ang plastic sa tabi niya at agad na bumalik sa upuan ko. Nilagay ko sa pagitan namin at inilabas agad ang fried rice na may ha
