Parehong namula mukha namin ni Jared nang nagkatinginan kami. Ang dumi at advance mag-isip ng utak ng mga kaibigan niya.
"Aakyat na ako."
Hindi ko na hinintay na sumagot ang mga ito at mabilis na kinuha sa kamay ni Jared ang chocolate na pinulot nito saka agad na tumalikod para umakyat sa taas. Mukhang may mahalaga silang pag-uusapan dahil narinig ko pa na nagrereklamo si Miller sa tabi ni Declan.
Mabilis na tinungo ko ang elevator at walang lingon-likod na iniwan ko ang tatlo. Hindi na sumunod sa akin si Jared dahil tinawag ito ng mga kaibigan at sinabi na naiwang nakabukas ang laptop at naghihintay umano ang mga ka-deal nila.
Hay mga baliw, mabilis akong tatanda kasama sila. Akala ko naman mga seryoso sa buhay at maayos kausap ang mga kaibigan niya pero mukhang mga isip bata rin kung
