"No!" mariing protesta ni Hanuel sa sinabi ni Crystal. Marami siyang nasabing hindi maganda rito ngunit ni minsan hindi niya ginustong umalis ito. Lahat ng nasabi niya ay bugso lamang ng damdamin.
"Why not? Bakit? kasama rin ba sa kontrata ba hindi ako pwede mag-resign?" mataray na tanong ni Crystal na naka halukipkip pa. Nakataas ang isang kilay nito at bahagyang nakangisi.
Mariing pumikit si Hanuel at marahas na bumuntong-hininga. "I'm sorry, okay?" Humingi na lang siya ng patawad dito sa pagbabakasakaling magbago ang isip nito.
Ilang segundong natahimik si Crystal. Bumuntong hininga siya. "Pasensya na, pero ayoko na rin talaga," mahinahong sabi ni Crystal. "Sa nangyayari ngayon sa akin? Ayoko na, Hanuel. Baka sa susunod pamilya ko na ang madamay," dahilan niya. Napatungo siya at ki
