LEIRA'S POV
Napabuntong-hininga na lamang ako nang sa halip sa umalis si Mico sa bahay ko ay bumalik lang ito sa sofa at humiga roon. Pilit na pinagkasya ang sarili sa sofa.
Kanina ko pa siya pinagtatabuyan, pero ang tigas ng mukha. Ayaw daw niyang umalis dahil na-miss niya ako at gusto pang makasama.
At oo, aaminin ko, may kilig akong naramdaman pero hindi ko puwedeng basta paniwalaan ang mga pinagsasasabi niya lalo pa't alam kong nakainom siya. Hindi lang 'yon dahil alam ko rin kung gaano siya kagalit sa akin kaya nakapagdududa kung ano ba talaga ang tunay na pakay o intensyon niya, kung bakit biglang tila nagbago ang ihip ng hangin. Kulang na lang ay isumpa niya ako noon, tapos heto siya ngayon at gusto raw akong bawiin.
Bakit? Para saan? Gayong malinaw niyang sinabi na pinagsis
