MICO VLADIMIR'S POV
"MAHAL NA MAHAL KA NI KUYA, BUNSO."
Hindi pa mas'yadong nagsi-sink sa utak ko ang narinig ko mula kay Ran nang muli itong magsalita. At sa pagkakataong 'yon, mas malinaw.
"Hinding-hindi ko kayo pababayaan ni Keira... Hangga't nandito si kuya, wala nang puwedeng manakit sa inyo. Kahit 'yang magtiyuhing Michael at Mico na 'yan na parehong siraulo."
Habang naririnig ang pinagsasasabi nito, mas naging klaro sa akin ang lahat. Kung gano'n, wala talaga silang relasyon. Hindi sila totoong magkarelasyon tulad nang sinabi niya sa akin. Hindi niya girlfriend si Leira kundi kapatid.
"Oh, God." Kaya pala iba 'yong galit niya sa akin. Hindi galit nang dahil sa selos kundi galit dahil sinaktan ko ang kapatid niya.
Nang mga sandaling 'yon, hindi ko maiwasang makaramdam ng
