Bumukas ang pinto na ikinagulat ni Amberleigh. Nakatanga siyang nakatingin sa bulto ng tao na ngayo’y papalapit na sa kaniya. Ang hininga niyang tumigil saglit dahil sa takot na agad niyang naramdaman. Saka lang siya nakahinga nang maramdaman niya ang matikas na katawang agad na kumulong sa kaniyang katawang natuod. Ang mahigpit na yakap ni Levi ang nagpagulat at nagpagulo sa kaniyang buong sistema. Nakakabigla nga naman ang nangyaring ito sa kaniya ngayon. Hindi si Amberleigh makapagsalita. Tanging ang yakap ni Levi at ang mabangong amoy nito ang kaniyang nadama.
Wala pa ring imikan ang nangyari sa pagitan nina Levi at Amberleigh. Ang yakapan sa pagitan nila na tumagal hanggang minuto. Ang hininga ni Levi na halos hinahabol na niya ay damang-dama ni Amberleigh. Walang ni isa man sa kani
