Nagkakasiyahan ngayon si Amberleigh kasama ng mga kaibigan niya sa trabaho. Mabuti na lang at may ibinigay na black card si Levi sa kaniya para sa mga pangangailangan niya sa bata kaya hindi na niya kailangan pang gastusin ang sarili niyang ipon sa kaniyang bank account noong nagtatrabaho pa siya. Ito ang ginagamit niya sa tuwing may paggagastusan siya. Ano pa ang silbi ng yaman ni Levi kung hindi rin siya makinabang. Tutal naman, iniisip na rin naman nito na ang katayuan ni Levi ang naging dahilan kung bakit nangunyapit siyang bigla kay Levi. Na hinayaan niyang may mangyari sa kanilang dalawa at magkaanak siya mismo rito. Kung baga e, sinadya talaga ni Amberleigh ang lahat. Iyon ang mga pag-aakala ni Levi na sinakyan na lamang ni Amberleigh katagalan ng sa ganoon tigilan man lang ni Levi
