تلون وجه هاجر باللون الاحمر حينما لاحظت ابتسامة أدهم ، في حين غمز لش*يقه ليعلمها أن تحذير حسام وصل إليه و تفهمه ليقول موجها حديثه إليها :
- هو معاكي حق يا هاجر إن غريبة فعلا إن القاتل يسلم نفسه خصوصا إنه كان حريص أوي إنه يخفي أي اثر له ، علشان التهمة تلزق فيا أنا و يمكن دي الحاجة اللي محدش عارف لها سبب ، هو كل اللي قاله إنه كان على علاقة بيها و أنها راحت اجهضت ابنه من غير ما تقوله ، فشك فيها و راقبها و لسوء حظي إنه شافها داخلة المكتب و سمع كلامها معايا بعد ما استخبى من علاء جوا المكتب ، إنما سبب قتله ليها و انه يخدرني و يمسح كل الب**ات فمرضاش يقول ليه النائب العام لما عرف أن كلامه دا يثبت براءتي أمر أني أخرج بدون أي ضمانات.
حك الحسيني ذقنه و تفرس في ملامح أدهم و قال :
- هي غريبة صح يا واد بس سيبك يا أدهم من أي اسباب المهم أنك فوسطنا من تاني و منور بيتك و حياتنا.
-----------------------
