Magnus' POV
"Manong Carlos, magaspang pa ang isang 'to. Pasadahan mo pa ng pinong liha para kuminis," utos ko sa isa sa mga tauhan dito sa shop. Kasalukuyan na ginagawa ang mga orders na papuntang Cebu sa susunod na linggo. Abala na naman ang lahat sa kanya-kanya nilang nakatokang trabaho at halos hindi magkanda-ugaga.
"Mukhang masaya tayo ngayon bossing, ah!" puna ng isa sa mga karpintero na sinundan pa ng iba. Lumapad ang pagkakangiti ko. Sino’ng hindi sasaya kung alam mong nagbunga na ang gabi-gabing pagpupunla mo ng binhi sa asawa mo? Kahit hindi pa man nakokompirma na buntis nga ang asawa ko, malakas ang kutob kong may laman na 'yon. Ilang araw na siyang nagsusuka sa umaga. Parati rin siyang nahihilo at higit sa lahat, kahit ang aga-aga pa nagpapapak na ng candy na sampalok. Gusto
