At saka, pagkatapos naman ng araw na 'to, mabubuhay na sila nang masaya kahit pa marami ang tutol sa kanila, at isa na nga ro'n ang pamilya ng asawa niya. Pero ang kailangan na lang niyang isipin ngayon ay ang pamilya nila. Doon na sila magpo-pokus nang hindi iniisip ang sasabihin ng iba. Hindi na nila hahayaan pang kontrolin sila ng kahit na sino.
"Good evening, ma." bati ni Arthur sa kanyang ina na nakaupo sa sala kasama ang ama nito. Yakap naman ng isang kamay niya ang balikat ni Amanda na nakayuko, alam nitong kinakabahan nang sobra ang asawa.
"Maganda gabi rin sa inyong dalawa. Maupo kayo," anyaya ng Donya Annalisa sa kanila. Magkahawak kamay naman na umupo ang mag-asawa sa upuan na kaharap ang pamilya ni Arthur.
"It's been a long time, hija. Good to see you again," ang ama ni Arth
