Asper Reign’s POV
“We’re here.”
Nanlaki ang mata ko at agad sumilip sa labas. “Hala! Hindi ko man lang napansin.”
Kaya pala bigla na lang siyang nagpark ng sasakyan namin. Akala ko ay talagang gusto lang niya akong paalalahanan kanina.
“Malapit lang dito ang Anox dahil dito nila nilo-launch ang mga bagong car product nila,” sabi niya. “I think they also have events here for today. Tingnan natin kung maaabutan natin ang launching nila.”
Nauna na akong bumaba sa kanya at halos malaglag ang panga ko sa pagkamangha nang makita ang malaking race track stadium na nasa harap ko ngayon.
Higit itong malaki kumpara sa normal na statium na makikita sa ibang bansa. Halos hindi ko nga makita ang dulo nito kaya tingin ko ay may access ang ibang city dito, hindi lang ang Shiganshina.
“Arch Fend is
