NAGULAT ako sa biglaang pagsulpot ni Zayn sa labas ng bahay namin. Bakit siya nandito? Halos hindi ako makagalaw sa kinatatayuan ko nang bumaba siya ng kanyang sasakyan.
Nilinga ko ang paligid kung may tao ba. Mabuti na lang at tulog pa si Zayrene dahil napuyat kagabi. Hindi agad iyon nakatulog dahil ang dami niyang tinanong tungkol sa daddy niya. Lalo na ng sinabi kong malapit na silang magkita na dalawa. Palagi pa naman akong hinahatid dito ni Zayrene sa labas o sa pinto ng bahay para magpaalam sa akin kapag papasok na ako. Abot hanggang langit yata ang kabang nararamdaman ko sa mga oras na ito.
"Z-ayn? Bakit ka nandito? Akala ko ba, hindi mo ako mamadaliin." Kinakabahan kong tanong.
"Nariyan ba sina Nanay at Tatay? Kumusta na silang dalawa?" Tanong niya rin imbes na sagutin ang ta
