Habang naglalakad patungo sa bahay nila ay iyon pa rin ang laman ng isipan ni Hayley.
“Paano nga kung mayr’on nga?” tanong niya sa sarili. “Paano nga kung kasal na siya?” Napakagat siya sa labi at napailing-iling.
No, hindi pa. Pero paano nga kung may asawa na siya? Muling ani ng isipan niya, kaya agad naman siyang napatigil sa paglalakad at napapadyak dahil sa frustration.
“Argghhh! Bwst!” mura niya at inayos ang blusang suot. Dumagdag pa sa inis niya ang sobrang init.
Maglalakad na sana siyang muli nang mapahinto na naman siya sa paghakbang nang makita ang isang magarang sasakyan na nakaparada sa tapat ng bahay nila. Nagtatakang tiningnan niya iyon at naglakad patungo roon. She examined the car, hindi iyon pamilyar sa kaniya.
“Kanino kaya ito?” napatanong siya sa kaniyang sarili.
