ELARA LACANILAO
Hanggang ngayon, para pa rin akong nasa cloud nine. Hindi pa rin ako makapaniwala sa ginawang proposal sa akin ni Arjhay kagabi. Para bang panaginip lang ang lahat at baka magising na lang ako bigla. Grabe… kahit sa pinakamatamis kong panaginip, hindi ko naisip na mararanasan ko pala ang ganitong klaseng sorpresa.
Dahil sa sobrang saya at excitement ko, halos hindi ako nakatulog. Madilim-dilim pa lang sa labas nang magising ako. Ilang beses akong pumikit at sinubukang matulog ulit, pero hindi talaga ako dalawin ng antok. Para bang paulit-ulit na nag fa-flashback sa isip ko ang mga nangyari kagabi.
Tahimik akong nakahiga habang nakatitig sa kisame, pero maya-maya’y hindi ko napigilang iangat ang kamay ko para tingnan ang singsing na ibinigay ni Arjhay. Kumikinang iyon kah
