ARJHAY SAAVEDRA
Dahil sa nangyaring gulo sa Fashion House ay agad na tumawag ang bagong assistant manager kay Ate Weng at sinabi ang nangyaring gulo sa pagitan nila Dianne at Elara.
Nang tumawag sa akin si Ate ay hindi na ako nagdalawang-isip. Pinacancel ko lahat ng meeting ko at agad akong nag-book ng flight papunta dito sa Hong Kong.
Paglapag ko sa airport ay dumiretso agad ako sa ospital na ibinigay ng staff ni Ate.
Nagulat ako sa eksenang inabutan ko.
Nakita ko si Elara na nakatayo sa gilid ng kwarto habang umiiyak si Dianne at paulit-ulit siyang pinagbubuntunan ng sisi. Para siyang isang tuta na nasukol ng mabangis na leon—tahimik pero halatang nasasaktan.
Hindi ko makakaya na basta na lang nila apihin ang asawa ko.
Kaya kahit hindi ako sanay pumatol sa babae, kailangan kong ip
