حب التويليب

الفصل التاني

ادهم :- يا عثمان بيه انا لسه 15 سنة انما انت فيك الخير و البركة

عثمان :- ههههههههههههه بجد يا ادهم انا مش بحسك ابني بس لا انا صاحبي كمان

ادهم :- ربنا يخليك ليا يا بابا

عثمان و يخليك ليا يا حبيبي

...............................................................

باك

دخل معتز مدير الحسابات لقي ادهم سرحان

معتز :- مستر ادهم مستر ادهم

ادهم :- ها .... ايوا يا معتز

معتز:- حضرتك طلبتني

ادهم :- ايوا فعلا ...بص انا عايزك تعمل اعلان في جامعة القاهرة كلية تجارة اننا هندرب طلبة .... بس لا مش اي طلبة المتفوقين .... و عايزك كمان تقول اننا هنعمل مسابقة ل احسن طالب و طالبة و اللي هيكسب هيضمن وظيفة في مجموعة ال عثمان

معتز :- تمام يا فندم حضرتك تأمر ب اي حاجة تانية

ادهم :- لا كدا تمام يا معتز

................................................

وصلت داليدا و دينا البيت بس ملقوش حد في البيت

داليدا :- ايه دا هما بابا و ماما راحوا فين

دينا :- معرفش يا ختي انا هخش انما و لما يجوا صحيني

داليدا:- خلاص و انا هخش اشوف الغدا و لو مفيش هعملكوا

دينا :- يااااااه تبقي ريحتي بجد ?

داليدا :- بت يا دينا انا حاسة احساس غريب اوي النهارده و كمان حلمت حلم وحش اوووووي

دينا بخوف :- حلم ...حلم ايه لا بقولك ايه انتي تهدي كدا

داليدا :- طيب طيب ?

........................................

في المستشفي كان في ناس واقفة و كان احساس داليدا كان صح

ام أحمد :- شيدي حليك يا ام داليدا

اميرة :- اشدي حيلي ليه لا لا زكي لسه عايش زكي هيفرح ب بناته لا لا أقول للبنات ايه .... هنعيش ازاي

و يغمي علي اميرة و ينقلوها ل اوضة بسرعة

ام محمد :- صعبانة علي اوي يا ام أحمد

ام أحمد:- و اكمان يا اختي دي هي و بنتها مكنش ليهم غيره هيعيشوا ازاي دلوقتي

..............................................

بعد مرور اسبوع في فيلا ادهم

ادهم :- امير انت هتسافر اسكندرية تمسك فرع هناك انا مش هامن لحد غيرك

امير:- عيب عليك يا معلم دا هشرفك

( امير اخو ادهم الصغير عنده 25 سنة شبه ادهم بظبط بس في الشخصية لا امير متسامح و اطيب من ادهم بس لما بيقلب خلاص قفلت )

ادهم :- امير انا مش عايز اي تقصير

امير عيب عليك

..................................................

في بيت داليدا البيت كان حزين كل واحد شايل هم و حزن جواه يكفي بلد .... شعور داليدا محدش يقدر يتوصف هي بين نارين...نار حزن علي ابوها و بين نار انها تتحمل المسؤلية

داليدا بتجهز الفطار

داليدا :- ماما دينا يلا الفطار جاهز

طلعت دينا اللي يشوفها ميقولش ان دي دينا اللي بتحب تهزر لا دي بقت كئيبة و حزين طبعا لان اللي راح ميتعوضش

دينا :- داليدا انا لسه مش مصدقة بجد يعني ...يعني بابا مش موجود يعني خلاص مش هرخم عليه ...مين اللي هيقف معانا ضد ماما زي كل مرة ...فاكرة يوم الجمعة كان دايما هو اللي بيجبلنا الفطار هههه و يفضل يصحي فينا و احنا مكناش بنصحي

داليدا كانت بتعيط في صمت هي اكتر واحدة هتحس ب دا لانها كانت اقرب واحدة ل ابوها

داليدا :- خلاص بقي يا دينا هو في مكان احسن بعدين انتي بتعملي كدا عشان متغسليش المواعين صح

دينا بصتلها بقرف :- حتي و انا مضيقة هتخليني اغسلها

داليدا اوماااال ?

اميرة الام :- صباح الخير يا حبايبي ....اه يارب صبرنا انتوا عارفين انا عارفة ان ابوكوا سامع و حاسس بينا بعدين يا دينا دي سنة الحياة يا بنتي و لو علي الزعل اكتر واحدة تزعل انا ابوكي في مكان احسن من هنا بكتير

داليدا :- انتوا هتقلبوها دراما و لا ايه يلا ناكل

و هما قاعدين بيفطروا

داليدا :- ماما انا هنزل اروح الشغل اللي قولتلك عليه

اميرة :- تاني يا داليدا معاش ابوكي هيكفي انشاء الله

داليدا :- ماما انا هشتغل عشان اساعد و كمان عايزة اكتسب خبرة

اميرة اللي تشوفيه يا بنتي

قامت داليدا تجهز للشغل و اللي هيبقي قدرها و نصيبها بس ياترا ايه اللي هيحصل