Lynnette's POV
MABILIS na naka tulog ang asawa ko, dahil na rin sa pagod at puyat niya sa kanyang trabaho. Hinayaan ko na lang muna siyang matulog, dahil naaawa din ako sa kanya. Ngayon na alam ko na ang lahat, kaya uunawain ko na siya at hindi na rin ako gagawa ng ano man na ikakagalit niya. Napaka guwapo din ng kanyang mukha, habang naka awang ang kanyang labi at nag hihilik pa. Parang ang sarap din niyang halikan.
Naka upo lang ako dito sa side ko sa higaan namin. Hindi naman kasi ako inaantok, kaya ayaw kong humiga. Hinaplos ko rin ang noo ni Henry, saka ko hinihila ang kanyang buhok. Ang lambot nito kaya ang sarap nitong paglaruan.
Hanggang sa muli kong maalala ang mga araw na lagi ko siyang inaaway, dahil sa pag seselos ko. Ang buong akala ko kasi noon ay may babae siya, kaya lag
