CHAPTER 28
“Uminom ka muna ng tubig, maraming tubig nang iwas hang-over bukas,” bulong niya sa akin kahit pa nakapag-goodnight na ako at nakapikit na. Tinapik lang niya ako at ginising para painumin. Saglit ko lang na binuksan ang aking mga mata. Naisip kong tama rin naman siya. Kailangan kong uminom ng tubig bago magpagapi sa aking antok. Uminom ako sa inabot niyang baso saka ako humigang muli. Pinagbigyan ko sa wakas ang mga talukap kong bumibigat na. Alam kong gising pa noon si Gjiam bago ako nagpagupo ng antok.
Mahabang pagkakaidlip iyon. May mga sandaling nagigising ako. May mga ingay akong naririnig na parang panaginip lang ngunit hindi ko alam kung paanong nakakatulog lang din ako agad. May sandaling gising ang aking diwa ngunit bakit ako nahihilo? Bakit sobrang bigat ng aking pak
