“Baka naman dahil nga paborito ka na ni Aling Ligaya at Mang Buro ay magbago ka na lang isang araw, Kanor. Magulat na lang kami na kaugali mo na si Nonong,” ani ni Cha-cha ng makita si Kanor na patungo na nga sa bahay ng mga amo.
“Ha? Ano naman yang iniisip mo, Cha. Magkaibang tao naman kami ni Nonong. Iba siya at iba ako,” sagot naman ng binata na may dalang sako na may lamang mga hinog na papaya dahil nagbilin din si Aling Ligaya na magdala ng hinog na papaya.
“Ang sa akin lang ay paalala, Kanor. Mabuti na ang paalalahanan kita ng maaga para huwag kang maliligaw ng landas. Siyempre ayoko na matutulad ka kay Nonong na masyadong naging bilib sa sarili at naging mayabang kaya nawalan tuloy ng trabaho. Wanted pa siya sa buong rancho,” giit pa ni Cha-cha.
“Salamat sa paalala, Cha. Huwag ka
