المتمرده والضابط

المتمرده والضابط الحلقه الثانيه

#الكاتبه_زهراء_الحسيني ...

قراءه ممتعه اعزائي ✨?

طيف.. كمت هيمنه اني اتوضيت ولبست ازار الصلاه وصليت وكمت للحمام غسلت وجهي وفرشت اسناني وكنت قبل فتره مخصصه ملابس للطلعه بالعطله بعد ماخلص واجباتي اكعد انسق ملابسي للطلعات حتى. اذا صارت عدنه طلعه ماكعد ساعه اباوع عالكنتور طلعت تيشرت ليموني يغطي الافخاذ لانو بابا ميقبل بلتيشرت لحد الورك مكتوب بنص Açkim اموت على. لون الاصفر وعندي بنطرون ابيض لبسته ولبست صندل

(للمعلومه اني اذكر تنسيقات ولبس الابطال لشغلتين الاولى. وهيه انكم تستافدون من تنسيقاتهم اضافه الى حتى. تكرون تتخيلون شكل البطل وشكرا )

نور.. اني كل مااطلع للمطعم لو شي. البس تنوره ماعرف ليش بس احب البسها لبست توره قصيره وياها قميص الي يشوفني ليكول موضفه بس هذا استايلي دوم تحجي عليه طيف ليش هيج متغيرين التنوره لو القاط وهمات احب البس القاطات النسائيه لبست تنوره حمره وياها قميص اوف وايت وحذاء كعب احمر من لون تنوره ومكياج اني مااحط بس كريم اساس وكحله حمره اطوخها حيل مرات قليل حسب المكياج هلمره حطيت لون بيج وخفيفه حتى. يبين وجهي طبيعي ورطبت وجهي طبعا رحت لطيف اشوفها اتمشيت لغرفتها دكيت الباب فتحته ويلي كلعاده طيف دوم متألقه وام ستايلات ومكياج اوڤر كلتلها هہللآو عيني شـنو هہلجمـآل

طـيف.. مـو بحلآتج حبي شـو بله ونتي هم تنوورہ يآبه

نِوِر.. طّبِعٌأّ حٌبِيِّبِيِّ تنوره عش*ي لايضاهيها احد

طيف.. واوو عيوني

حسن.. بناتتت مخلصتوا يلا

طيف.. احنه مخلصين بس حضرتك متاكد مكمل

حسن.. اي مكمل بس متاني حضرتج تنزلين

نور.. كومي للتعاركين تعالي يلا انزلي

طيف.. نزلت عيني

حسن.. بابا اتفضل اني اسوق سياره بدالك

الاب.. تفضل ولاتسوق سياقه سريقه سوق هادئ

حسن.. ادللل بابا

الام.. والاغاني لاتعليها كولش

خسن.. حكيت لحيتي ورفعت راسي اوامر ثانيه ست

لام.. لا. مشكور

صعدنه بلسياره وانطلقنه لمطعم (...) راقي وحلو شكله واوو يجنن ويلي. باع الاكل احس ح افقد من كثر جوعي وريحه الاكل كعدنه يم شباك طبعا المطعم مملي ملي بالناس اني طلبت بيتزا طيف طلبت صاج هيه وحسن وبابا وماما طلبوا كباب كلعاده

طيف.. اويلي يمه احير شنو اكل ومنين ابدي

حسن.. لاتصيرين كانج وحده مشايفه ومحتاكلين غير الي طلبتيه

طيف.. اخذت صاج ماله لا حبيبي اني اتدلل وبكيفي اخذ وبعدين انت من شفت الاكل اجيت تكول كلمه بس مانطيتك مجال

نور.. يلا اكلوا وكافي عرك احنا بمكان عام مو بالبيت

طيف.. تمام حبي لعد شعندي اني

حسن.. بدينه ناكل وكلساع اتشاقه ونور وطيف واكل من كباب بابا وماما واحرك گلب طيف لانو هيه.متكدر تاكل عندها رجيم. ادري هيه ضعيفه ع شنو هِلَدِأّيِّتّ مَدِريِّ

نور.. بعد ماخلصنه اكل كبل كلتلهم مدام طالعين خلونه نروح للمول ونشري ملابس ونروح همات للكوزمتك

طيف.. يي ماما ارجووج

الام.. تمام يلا

نور..كمزت من الفرح لانو بعد كم يوم ح ابدي ادوام ف احتاج شغلات واريد اغير استايلي همينه. رحت للمول اشتريت ملابس منوعه واشتريت ملابس ذات الاوان حياديه وتلائم وي كل ملابسي نوبه رحنه لكوزمتك طيف اتولت الامر راحت اشترت تقريب الكوزمتك كله وماما تزرل بيها لانو مشايلين فلوس ومتقبل هالكد نبذر بس طيف ومادراك ماهيه محد يرفضلها طلب واشترت كل غراضها. ماشتريت مكياج اني وياها عُاَدّيَ سويه رجعنه للبيت اني كنت ميته تعب هلكانه حتى. مسفطت ملابسي.حتى. الجدد كبل نمت

طيف.. شويه جنت تُعباُنٌـه بس حاله الغرفه مجانت حلـِۈوه كلها اكياس واشياء كعدت رتبت ملابس الي اشتريتهم ومكياجاتي ورحت طلعت شعدنه م̷ـــِْن واجبات وكعدت ادرس اوووف شكد مزعج الطب يعني بله هاي حاله اشوف سنون تلعب نفس واني هستوني ماكله كعدت اقره المصطلحات وراها كعدت اقره صناعه الاسنان عدنه امتحان بيها عملي واخيرا كملت كعدت علفون شويه واجتي رساله م̷ـــِْن الكروب الي اني بي كالولي اكو امتحان اوبرتف (معالجه اسنان وحشوات) باجر كمزت كمزه اله شويه واوصل لسما يحضي فوكاها شون ماده مكروه ضليت اقره بيها وسهرت ل3 يلا نممت

الاب.. ام حسن هسه شسوي شنو اكللهم مكدر ارفض لانو همه يضلون اخوتي

ام حسن.. معرف ابوحسن معرف بس الي اعرفه مستحيل انطيهم بنتي مستحيل

ابو حسن.. واني همات مكدر

الام.. ايي ابو حسن عفيه مااحب اضحي بنتي مستحيل انطيهه لهذول الهمج اهلك بناتي معلمات ع دلال

الاب.. ش داتحجين تره هذوله أهل ماقبل تحجين عليهم منو كلج همه همج هاا

الام.. اسفه ابو حسن حجيت هلاكلام من عصبيتي هيج كلت لانو نور ماكدر اضحي بيهه واذا انطيت نور حيجون ع طيف مكدر لا

ابو حسن.. اكيد مراح انطيهم بناتي

ام حسن.. ايي انشالله مننطيهم

ابوحسن .. هسه يله عوفينه من موضوعهم

خلينه بموضوعنه

ام حسن ... شنو موضوعنه ؟

ابوحسن.. حبيبيتي نوراني يله كومي خلينه ......

ام حسن ... هسه ابدل واجيك موو تدللل حبيبي شعندي غيرك

ابو حسن. . انطيني فد تصبيره بوسه

وكمت بستهه بوسه قويه حتى دم طلعته

ام حسن.. اووووي وجعتني حبيبي

في صباح

نور.. دك المنبه ساعه 5 طفيته و رجعت نمت بعدين اذكرت اليوم لازم اروح علمود شغله المدرسه كمت بسرعة سبحت بعد مخلصت سبح رحت كعدت اخواني وسويت عصير وحطيته بلثلاجه كلت من اطلع اشربه وكملت وكملت لبست قميص ماروني ساده وتنوره قصيره سوده هم ساده وكعب اسود وجنطه خصر سوده ومنقطه بذهبي وحطيت مكياج خفيف وحمره لون ماروني وايلاينر وسويت شعري كبايه

طيف.. اجتني نور سئلتهه وين ماما اليوم ليش ما كعدتني كالت اليوم بابا وماما عدهم قضيه شنو نسيتي اول البارحه كلتلنه وصدك بعدين اذكرت ماما كلتلنه كعدتني كمت رحت للحمام غسلت وجهي وفرشت اسناني ورحت حضرت ملابسي لبين ماتريك كمت رحت سويت ريوك الي و ولحسن سويت كوبين قهوه و سويت زلاطه عباره عن زيتون وطماطه وخيار هسه اكيد اتكولون اكو احد ياكل زلاطه ع ريوك ايي لانو اني احب اكل زلاطه ع ريوك اني وحسن وطلعت ع سريع كيمر وعسل ليكته مخلص والعلبه من كثر ما مسوحه ممتحتاج مسح ورحت كتله حسوني يله كوم خلينه نتريك علمود نروح للجامعه

حسن.. اوك كايم رحت للحمام سبحت ع سريع وحضرت ملابسي ونزلت لكيت طيف مسويه ريوك كلتلهه صباح الخير طيوف

طيف..صباح الخير يا احلى اخ

حسن.. شكرا ع ريوك حبي

طيف..ولوو تدلل

حسن .. اكوول طيف وين نور

شو ماكو ع ريوك

واجت نور كالت

نور.. هلوو اني هنا شلونكم ياحلويين

حسن .. هلوو نونه شنو هالجمال ياصاكه تخبلين وين رايحه؟

نور.. اقدم ع المدرسه الاهليه.... اريد ادرس بيهه احسن من ماكووو

حسن.. ايي حبي احسلج روحي اي شيء تحتاجي تعاليلي

نور... شكرا حبيبي حسوني ربي يخليك النه

طيف. . نور حبابه اريدج تسولي مثل لايلاينر مالج لان معرف اسوي هيج حلوو مثلج

نور.. اوك حبي يله تريكو كمت رحت جبت عصير الفريش وشربتهه

طيف .. كملت ريوك وشلت الماعين وكملت رحت بدلت وسرحت شعري وانتضرت نور تجي تسويلي ال ايلاينر اني جنت حاطه الفونديشن وامسكاره بس ال ايلاينر وحمره سحريه

نور.. كملوا ريوك طيف شالت الماعين وغسلتهم ورحت غسلت ايديه علمود اسوي مكياج الطيف دخلت غرفتهه

نورر ..هلوو حب يله خلينه نبدي نحطلج الميك اب

طيف.. يله حبي

نور.. لكيت طيف هيه حاطه الفونديشن وامسكاره بس احطلهه ال ايلاينر حطيته الهه طلعت تخبل

طيف .. يمعوده مو هيييج طوختي المكياج

نور .. ولج والله حلوووه

طيف .. لا نور اني رايحه لجامعه ادرس صح هم ادورلي رجل بس مو هيج مكياج خففي شويه

نور.. هففف خففت مكياجها ورتبته الها شويه وكتلها هاااا هسه شلونج

طيف .. هسه عاشت ايددج يجننن شكرا نوير

نور ..عفوا حياتي

اني اصلا كنت مكمله لبس ومكياج

وطيف هم بقه بس حسن رحت صحته حسن كملت لو بعدك

حسن.. وره مخلصت الريوك البنات شالنن الاماعين كمت غسلت ايدي ورحت لبست تيشرت ازرك ساده وستره سوده وبنطرون اسود وحذاء رياضي بيضه والأطراف زركه

واني دامشط شعري حجت نووور كالت كملت لو بعدك كلتهه يي كملت

نور .. لعد يله وصلني الهاذي المدرسه وروح وصل طيف للجامعه

حسن .. اوك رحت وصلت نور لمدرسه وصلت طيف للجامعه ورحت اني للجامعه طبعا اني مكبل ويه وحده بنيه مؤدبه وحبابه بينا مخبارات ونلتقي بالجامعة بس محد يدري انو اني مكبل وياها واتفقنه بعد ماخلص من الجامعة ونتعين نزوج شفتهه ابستمتلهه وهيه هم ابتسمتلي رحت شفت أصدقائي وسلمت عليهم وكعدنه نسولف وره شوي اجه الأستاذ وبدت المحاضره

طيف.. وصلني حسن للجامعه شفت صديقاتي نهى ومريم سلمت عليهم وكعدنه نسولف بلكافتريا وره شوي كالت نهى يله بنات حتبدي المحاضره

طيف - مريم اوك يله خلينه نروح

رحنه للمحاضره وخلصت البنات راحو يستنسخون المحاضره وكلتلهم يسنسخولي وياهم على ماروح اشتري مي ونساتل الي والهم رحت وحسيت واحد يراقبني ويمشي ورايه باوعت منا ومناا ماكووو كملت طريقي وكفني صوت ولد كلي عفوا ممكن دقيقه شوي كتله محتاج شي كلي لا بس حبيت اكلج انو اني معجب بيج لانج بنيه مؤدبه وجميله ولطيفه واني حاضر اجي اخطبج من هسه ماعندي مانع كتله بيني وبين نفسي ضحكت على كلاواته وجذبه كلهم هيج وبعدين يدكون الدكه الناقصه ومن صدك دك بيه الناقصه وخلاني اعضعض اصابعي ندم اخخخ لو تسمع نور هذا شيكولي لطيفه اني ناويه اتخرج واكمل واتعين والله الكريم

كلي ع راحتج مممكن اخذ رقمج صفنت عليه كتله لا موو ممكن تخطبني من اهلي يله

كال ماكو اشكال بس حبيت اتعرف عليج وعفته ومشيت كان شخص حلو وسيم وعجبني اول مره اشوفه زين هو من وين يعرفني وكف أفكار ي ابو كشك كلي نعم اختي محتاجه شيء

طيف.. هاا ايي مي و3نساتل وكولا 3

ابو محل .. اوك

انطاني الي طلبته وضليت افكر بهلولد الحلو اي بنيه بمكاني مجرد ما شخص يكلها هالكلام تنسحر وتضل تفكر حتلو تمثيل شفت البنات اجني رحت كعدت على كرسي وكعدنه اني والبنات نسولف واني بالي مو يمهمن معرف ليش انجذبت اله يمكن لانو محد اتجرأ هيجي يحجي ويايه الاخلاقه بعدين كلت بيني وبين نفسي شداحجي اني شنو هلكلام هو لا اعرفه ولايعرفني خلص

نهى. . طيف طيف وين صافنه

طيف .. هاا شكوو

مريم .. صارلنه ساعه نلغي وين جنتي شارده

طيف.. مدري

نهى. . حبي انتي عشقانه

طيف .. ياوينه ابن حلال الي الي اعشقه

مريم.. قصدج ابن نعال الي امه داعيتله بالشر مو بالخير اووف يا اشفق على الي يحبج

طيف .. وشبي وتشفقين عليه اصلا سعيد حظ الي ياخذني وين يلكه مثلي هاا

نهى .. قصدج تعيس الحض

مريم .. بنات شنو ذاك الصاعقه يخبل ولجن الزمني لا اروح ابوسه

طيف.. شفته نفسه الي اعترفلي بحبه كلت مريم بنات هاذه نفسه الي

مريم .. نفسه الي شنوو؟

طيف .. وعيت على نفسي اني كتومه مااحجي اسراري لصديقاتي وكلتلهن نفسه الي شفته البارحه بالمول وجنت داشرب ازبري اجه اصدم بيه ووكع الازبري عليه

وصيحت عليه

انتبهت على شنو اني شخربطت صخامي صايره اخترع مواقف يله عاتي عاتي

نهى. . كبر والله كبر كبرج واذا طيح عليج الازبري تصيحين عليه اخخخ بنات حيصير بيه سكر من حلاوته يمه يشحط بلعومي اه اه اه

مريم ..هههههه

طيف. . اجيت اكوم اكتل نهى ليش اكتله هو صدك حلوو وعجبهه واذا يعني بس اضوج لا ارادي من هيج سوالف ضحكت ضحكه جذبيه الهه

نور.. رحت وصلني حسن للمدرسه واتفاهمت وياهم بالبدايه يسئلوني وطيحوا حظي يلا قبلوني اشتغل شهر عدهم ويشوفون الطلاب اذا افتهموا عليه يقبلوني شفت مستواهم زين رحت تعرفت عليهم واتشاقيت وياهم وضحكت حبوني نوع ما كان زيهم موحد بدي ابيض وره كان مكتوب بي اسم المدرسة وتنوره نيلي قصيرة طبعا هي كانت مدرسة اهليه ابتدائيه للبنات وخلص اليوم صارت ساعه 30 : 12 صار وقت طلعه طلاب للبيوت ومعلمين كذلك اتصلت على حسن نور.. الووو محمد

حسن... هاا هلوو نور

نور .. يله حبي تعال جيبني من المدرسه

حسن. . هسه نووو ااااااااااه لا

نورر... حسن شكو شبيك ليش داتصرخ

حسن... بعد ماخلصت المحاضرات طلعت رحت للسياره اجيب طيف ونور واثناء م دا اركب بالسياره حتى اسوقها خابرتني نور وكلتلي تعال جيبني من المدرسه اريد احاجيها وارد عليها انو راح اجي عليها حسيت اصطدمت بشيء من وره ردت افتح الباب اشوف شنو اندعمت بالسياره اقوى وانض*ب راسي بلستيرن اثناء ماكنت اخابر نور واحس دخت واتخربط وضعي

نور.. حسن شكو شبيك ليش داتصرخ

حسن ... اااااه نور سياره من وره ض*بتني نور ماكدر اجيج اخذي ت**ي لو تخابرين بابا يجيج انتي وطيف بعدين احاجيج وغلقته تليفون راسي جان يجري دم نزل من عدهه ولد عبالك بنيه شعره مطوله مثل البنات وشفايفه وردي حاطلهن حمره يعني بنيه موولد نهائيا

حسن.. اخي انت اعمى لو شنوو سياره طول بعرض مشفتهه وين عيونك

ولد.. احترم نفسك انت شداتحجي موكف سيارتك بمكان غلط ياغبي

حسن .. دمي فار من كال غ*ي ض*بيته راجدي كتله ولك يلخنثه انت الي داعمني مو اني

ولد .. لك شلون تض*بني اني اعلمك ض*بته بو** ع عينه

كلمه منا وكلمة منا تضاربنه وهو ماقصر ض*بتي ض*بات متفرقه على جسمي اجه رجال ابو محل يمكن اجه يريد يفتح محله وشافنه واجو هم بعد ولد فاكونه اني وياه اجه شرطي كان 100%عليه هو لازم يدفع الغرامه وحقق وياي لان هو كان يمشي سريع اجه ض*بني من وره اخذته وياي للمصلح دفع فلوس تصليح سياره يعني من 12 لحد 5 يله فضينه تليفوني احترك من الاتصالات جاوبت نور كتلهه نور كلشي مابيه هاي اني داحجي وياج بس سياره من وره اندعمت وهسه دانصلحه اوك

نور.. حسن حبيبي تعال بسرعه ماما وبابا كلش قلقانين عليك

حسن.. ماشي

وغلقته رحت اشوفه شصار ماصار ع سياره

نور .. من خابرت حسن وصرخ كلبي انخمط وكلي كلشي مبي بس سيارته ونوبه سياره ض*بته احس كلبي وكع بين ابديه بس مصدكته كبل اتصلت على بابا كتله بسرعة تعالي للمدرسه الي كتلك عليهه البارحه

الاب.. اي هسه جاي بنيتي

نور.. ضليت ققلقه على حسن ماكو اي سوره قرانيه محافظتهه مقريتهه ودعيت ربي يحميه من كل مكروه وبابا اتاخر هو دوم يتاخر مو شيء جديد اجاني بابا وسولفتله السالفه ورحنه ع طيف خطيه لكيناه وحده منتضره اجت صعدت اتفاجئت لانو دوم حسن هو الي يجيبنه ويوصلنه بس اذا صار شيء يجي بابا

طيف... هيلاوووووو ياجماعه لعد ليش حسن مااجه

نور.. اخخ يابعد كلبي ياخويه حسوني لج سوه حادث وسولفتله السالفه خطيه كامت تبجي زين اني معرف وين مكان الحادث خطيه بابا خشمه طك دم ضغطه ارتفع كتله بابا كوم من سياره خليني اني بدالك كمتت سقت بدال بابا وبابا كعدته بلوره فقد وعيه اووف شيسوي. واني منا مو هالكد بالسياقه يامره مرتين سايقتها شنو من يوم منحوس هذا اووف رحت وديت بابا للمستشفى اجه بسرعه اجه دكتور كتله دكتور الله يخليك بابا فقد وعيه ومنعرف شنو صارله

الدكتور شافه ومدري شسواله ضغط بيده على كلبه وصاح.

دكتور.. جيبوا سديه بسرعة

يتبع ..........