Umihip ang malakas na hangin sa paligid dahilan para sumabog ang buhok ko na madali ko namang naayos dahil hanggang balikat ko na lang iyon, sinikop ko ito at inipit sa likod ng tainga.
Napatingala ako sa kalangitan saka sandaling dinama ang hangin, pati ang init na nanggagaling sa sikat ng araw. Ito ang ilan sa na-miss ko rito sa Pilipinas, parang kailan lang pala simula nang umalis ako.
It's been a year— almost six years, I guess? Napangiti ako sa sarili, kalaunan nang mapapikit. Ang dami na rin palang nagbago. Hindi lang sa iniwan kong bansa, pati na rin sa sarili ko.
Ako pa rin naman ito, si Tyra Nicole Fajardo, ang kaibahan nga lang ay mas naging matatag at palaban. Heto pa nga rin ako at patuloy na humihinga at lumalaban.
Siguro ay nabubuhay na lang ako ngayon upang alalahanin an
