Right or wrong. Isa lang ang alam ko. Kailangan kong gawin ito. Kailangan kong saktan si Solace para sa kaligtasan nya. Kasalanan ko ito, kung nakinig lang ako nung kay Alfred, sana hindi humantong ito sa ganito. Makasarili ako. Ang sarili ko lang na kagustuhan ang iniisip ko. Gustong- gusto ko na maikasal na kami ni Solace at hindi ko naisip na maaari syang manganib sa gagawin ko. Wala akong personal na kaaway, pero kailan ba talaga kami titigilan ng taong may malaking galit sa pamilya ko? Kahit patay na ang mga ito, hanggang ngayon, nagawa parin guluhin ang pamilya ko.
"Mahal mo ba ako, Solace?" tanong ko. Nakakulong ang kanyang pisngi sa palad ko.
Pinuntahan ko si Solace. Halata sa kanyang mukha na naguguluhan sa tanong ko, alam kong hindi nya napaghandaan ito. Alam ko naman na mahal
