(Solace)
Heto na naman ako, naglalakad na tila walang direksyon. Inookupa ngayon ang aking isip ng mga negatibong bagay na syang nagpapahina sa akin. Napakabigat ng dinadala ko dito sa loob ng puso ko. Napakasakit para sa akin ang malaman na may damdamin ang lalaking pakakasalan ko sa pinsan ko.
Napatigil ako sa paghakbang nang narinig ko ang pagtunog ng aking cellphone. Agad ko itong kinuha mula sa aking handbag sa pag- asang si Santie ang tumawag sa akin. Pero, hindi pangalan ni Santie ang nabasa ko kundi pangalan ni Caleb.
Nangilid na naman ang luha ko. Umaasa pa talaga ako na mapagtanto ni Santie na mahal din nya ako, at hindi si Catriona yong gusto nya. Ito ang pinakamasakit sa lahat, may nadarama syang damdamin para kay Catriona pero sa akin, wala kahit kunti. Gusto lang nya akon
