Wala na akong nagawa kundi balisang naghintay sa kanya.
Ilang ulit ko din namang tinangkang muling tawagan siya, ngunit hindi na siya sumagot pa. Sinubukan ko din naman i-text siya upang magbakasakaling pigilan siya sa gagawin niya ngunit isang simpleng message lang ang sinagot niya.
"Hintayin mo ako pleaae."
Muli naman akong naupo sa harap ng mesa habang napapahawak sa aking ulo. Halata din ang sobrang pagkalito ng utak ko.
"Anong problema ba itong pinasok ko? Bakit nga ba kailangan ko pang ma involved kay Papa? Napakalaking problema nito..." napapailing na bulong ko pa sa sarili.
Maya-maya pa ay muli naman akong tumingin sa phone ko, subalit nanatiling tahimik ito. Habang hindi naman maitago ang nerbyos at pagkabalisa sa aking mukha.
Muli naman akong tumayo, at bumalik sa room
