Natapos ang orientation ng lunch time. Naisipan kong kumain na muna sa canteen ng Empire. Sinabi rin sa amin na after lunch ay magpunta na kami sa mga workstation namin dahil ito na rin ang first day ng trabaho namin. Alam ko na rin kung saan ang office of the CEO. Ang problema ko lang… paano ko haharapin si Julian ngayon?
Natulala ako sa pagkain ko kakaisip nang biglang mayroong lalaki na umupo sa tapat ko. Mayroon siyang hawak na tray ng pagkain na inilapag niya sa mesa.
“Hi,” bati ng lalaki sa akin habang mayroong simpleng ngiti sa kanyang labi. Napansin kong hindi siya nakasuot ng business attire. Casual lamang ang kanyang suot na tila ba napagawi lamang siya rito.
“Hi,” bati ko naman pabalik sa lalaki. Ipinagpatuloy ko ang pagkain ko pagkatapos niyon.
“You must be the new secretar
