"Bakit hawak mo ang bagay na iyan?"
Isang baritono at may pagbabantang boses ang nakapagpalingon kay Daemon. Hindi nya namalayan na nakalapit na pala sa kanya si Damian at agad na hinablot ang hawak-hawak nya. Matalim ang titig nito sa kanya. Kung nakakamatay lang ang titig ay baka nakabulagta na sya. Pilit nyang ikinalma ang sarili nya dahil iginagalang parin nya ito. Ayaw nyang magkaroon ng masamang impresyon sa kanya si Taliyah lalo na ngayon na kailangan nya ito.
"Ibalik mo sa akin ang bagay na iyan." wika ni Daemon sa kalmado parin na boses. Nakikipagsukatan sa kanya ng tingin ang tatay ni Taliyah. Nananatili syang kalmado dahil ayaw nyang ipakita dito ang tunay na katauhan nya.
"Sa tingin mo ba papayagan kong makuha mo ang anak ko ng ganun-ganun nalang? Magkakamatayan muna tayo.
