Gemini's POV
Tanghali na ako nagising — binawi ko kasi ang pagod ng katawan ko sa biyahe at stress nitong mga nakaraang araw.
Pagmulat ko pa lang, ramdam ko na ang banayad na sinag ng araw na tumatama sa mga kurtina.
Huminga ako nang malalim, sabay bangon.
Dumiretso ako sa banyo para maligo. Ang lamig ng tubig na dumaloy sa balat ko. Pagkatapos kong maligo, nagbihis ako ng simpleng white silk dress at bumaba papunta sa dining area. Pagbaba ko, saktong abala na ang mga staff sa paghahanda ng tanghalian.
Mula sa malayo, nakita ko ang kambal na masiglang tumatakbo papunta sa akin.
“Mommy!” sigaw ni Lyra, sabay yakap sa bewang ko.
“At last you’re awake, Mommy!” dagdag ni Orion, nakangiti nang todo.
Napangiti ako, hinaplos ko ang buhok nila.
“How’s your stroll, babies?” tanong ko, masa
