Gemini's POV
Pagkatapos kong maligo, tinuyo ko ang aking buhok gamit ang blower at nagsuot ng malambot at maluwag na pajama—gaya ng nakagawian, hanggang hita ang haba nito. Nang buksan ko ang pinto, nadatnan ko si Cassian na nakaupo sa gilid ng kama, nakasandal at nakayuko. Nang maramdaman niyang bumukas ang pinto, iniangat niya ang kanyang mukha at tinitigan ako mula ulo hanggang paa bago siya ngumiti.
“Your turn,” sabi ko, sabay turo sa banyo.
Tumayo siya at dahan-dahang dumaan sa tabi ko. Nagtagpo ang aming mga balikat, at tila may kuryenteng dumaloy sa aking katawan.
“Don’t fall asleep yet, sweetpea,” biro niya bago tuluyang pumasok sa banyo. Bigla akong nakaramdam ng kiliti sa buo kong katawan.
Bahagya akong napangiti at naupo sa kama. Habang naririnig ko ang malakas na tunog ng
