Ng lumabas ang isang matangkad ngunit balingkinitan na lalaki na may dalang violin, hindi makapaniwala si Prie na ito ang fifteen years old ““baby brother”” niya. Magkokomento sana siya ng magsimula itong patugtugin ang violin. Hindi na siya nakapagsalita pa. Namalayan na lamang niya na tapos na ang performance ni Dave ng abutan siya ng tissue ng kanyang tito Mike na hindi niya namalayan ang pagdating. ““Thanks po,”” pasalamat niya rito habang hindi pa rin mapigilan ang pag-iyak.
Maya-maya ay isang nakabibinging palakpakan ang ibinigay ng mga tao para kay Dave ng matapos ang pagtugtog nito. At kahit na may ilang humingi pa ng encore, ngumiti lamang ito at yumuko bilang pasasalamat.
““I think we can go now,”” yaya ni Alexa kay Prie ng makabalik na sa backstage si Dave. ““I don’t mean to b
